محمود حسن يكشف كواليس أزمته مع الزمالك.. وأحمد زاهر يرد

0 تعليق ارسل طباعة تبليغ

شهدت الساعات الماضية أزمة داخل نادي الزمالك، بعد تدوينة نشرها محمود حسن لاعب الفريق الأبيض عبر حسابه الشخصي.


وقال اللاعب عبر حسابه: «حابب أوضح حاجه لجماهير نادي الزمالك.. أنا أصبت يوم 26-6 في مُعسكر أكتوبر، وفضلت شهرين في موضوع الورق وبنخلص الحاجة والكلام ده وأجريت العملية يوم 22-8-2019 الحمدلله، رغم أن مجلس الإدارة يعلم بوفاة والدتي يوم العملية وظروفي بعد ما أجريت العملية».

وتابع: «وبعد ما رجعت من ألمانيا طلعت عشان اشكر رئيس النادي لقيت كاميرات وطلب مني أن أسجل فيديو اشكر فيه مجلس الإدارة والنادي على العملية ومصاريفها وبالفعل عملت الفيديو وشكرت النادي اللي خيره عليا، وبعد ما عملت الفيديو، أمير مرتضى " قالي انت مش على ذمة النادي».

وواصل اللاعب حديثه: « بعد ما لعبت في النادي 17 سنه، العب يا محمود حاضر اتصعد يا محمود حاضر اطلع بره الاسكور حاضر، ومكنتش بقدر افتح بوقي عشان خاطر النادي اللي اتربيت فيه واترفض لي 7 اعارات الموسم اللي فات، ومردتش اتكلم وساكت عشان خاطر أنا ابن النادي واهم حاجه استقرار النادي أولا، كل ده قلت يمكن ارجع تاني بعد ما اخلص الجلسات، النهارده».

وأضاف قائلًا: « أحمد مرتضى كلمني بيقولي انت مش هينفع تاخد فلوس عشان انت مش على ذمة النادي، والحاجه الوحيده اللي نقدر نساعدك فيها أن نوديك فرقة لما ترجع في شهر واحد، وانا كنت ماضي خمس سنين عدي سنتين وكده لسه فاضل في عقدي 3 سنين، وحتى النادي مدانيش السنه اللي اتصابت فيها، والنهارده تم الاستغناء عني رسمي. شكرًا نادي الزمالك ».

الزمالك يكشف حقيقة تغريم محمود علاء ٥٠٠ ألف جنيه

ومن جانبه رد أحمد زاهر المدير الإداري لفريق الزمالك عبر حسابه على اللاعب قائلًا: «عايز اقول رأيي في موضوع محمود حسن بصراحه والله العظيم أنا عمرى ما بتكلم على لاعب في النادي بعتبرهم كلهم اخواتى بس الكلام لما يبقا مغلوط لازم يكون فيه توضيح هو محمود حسن اتصاب مع النادي».

وتابع: «وفعلا أول ما إجراءات السفر خلصت سافر ومعاه دكتور الفريق ولما رجع واخذنا كاس مصر الجهاز الإداري هو اللى كلمه عشان ياخد مكافآت وده حقه والسنه اللى فاتت كان مش مقيد أفريقيا وأخد كل المكافآت زيه زى اللاعبين، واتحدى نادي بيعمل كده وبالنسبة لموضوع الإعارة السنه اللى فاتت أنت جالك بتروجت ولما الجهاز اتغير في بتروجت متكلموش مع النادي وانت السنه اللى فاتت ملعبتش خالص فالطبيعى لو أنت سليم مفيش أي لاعب من فرقتك اتقيد مع الدرجه الأولى فا مش عايزك تدخل موضوع الإصابة في القيد ونصيحه منى وانت عارف انى بحبك راجع نفسك في كلامك على النادي».

هذا المقال "محمود حسن يكشف كواليس أزمته مع الزمالك.. وأحمد زاهر يرد" مقتبس بواسطة موقع بلد نيوز وقمنا بإقتباسة من موقع (بوابة فيتو) ,ولا يعبر عن سياسة الموقع أو وجهة نظرة بأي شكل من الأشكال ,وأنما تقع المسئولية الخبر أو صحتة على مصدر الخبر الأصلى وهو بوابة فيتو.

أخبار ذات صلة

0 تعليق