تفاصيل مشاجرة بين ضابط وجاره فى المقطم حول الركنة تنتهي بإطلاق النار (فيديو)

0 تعليق ارسل طباعة تبليغ Amp

ألقى رجال أمن القاهرة القبض على ضابط شرطة لاتهامه بإطلاق الرصاص على سائق أرداه قتيلا بعد أن تجمع أعوانه من الجيران على الضابط بسبب الخلاف على ركن السيارة، وأمر اللواء محمد منصور مدير أمن الفاهرة بعرض الضابط على النيابة للتحقيق.

كما ألقت الأجهزة الأمنية القبض على 3 بلطجية وبحوزتهم أسلحة بيضاء اعتدوا بها على الضابط. وكان قسم شرطة المقطم قد تلقى بلاغا بنشوب مشاجرة بين ضابط بمباحث الأموال العامة وسائق للخلاف على ركنة سيارة على اثرها استعان السائق بمجموعة من البلطجية حاملين الشوم والأسلحة البيضاء وتعدوا على الضابط بالضرب مما اضطره لإخراج سلاحه الميرى وأطلق الرصاص فى الهواء لتخويفهم إلا أنهم انهالوا عليه بالضرب بالشوم.

وبسبب تكتل البلطجية علي الضابط خرجت طلقة من سلاح الضابط استقرت فى جسد السائق ليسقط قتيلا قبل وصوله الى المستشفى على الفور انتقل رجال الأمن وتمكنوا من اصطحاب الضابط والطرف الثاني أعوان السائق إلى ديوان القسم وجار عرضهم على النيابة للتحقيق.

وقال شاهد عيان بالمنطقة:”مشاجرة نشبت من امبارح يطلعو يكسرو عربية الضابط النهاردة ويجو تحت بيته عايزين ياخدوه من بيته بالشوم والحديد اولا عد ما كلهم حاولو يضربوه طلع سلاه وضرب ضربتين في الهواء للأعلي علشان يبعدو عن بيته بس هما هجمو تاني وعايزين ياخدو السلاح منه بالعافية والرجل وطي السلاح اتجاه الارض وعددهم كبير وهو لوحده وفي لحظة الشد والجزب طلعة طلقة وهما كلهم ماسكين السلاح وحت فيه”.

وأضاف الشاهد:” انا شايف ان الأستاذ اللي اتصل بيه يقوله تعالا هنتخانق هو اللي غلطان ليه امبارح بليل جه المدينة وبيركن العربية ملاقاش مكان ركن امام عماره بها جراج وباكيات عربيات تحت العمارة وقفل علي الضابط كما تقولون علي المهنه الضابط نزل بليل وعايز يخرج الله اعلم بقي مستعجل او رايح لدكتور او حتي رايح مشوار غلط اني اقفل علي ركنة عربية تخيل المقفول عليه ابنه تعب الفجر وعايز عربيته المهم معرفش يوصل لصاحب العربية غير بعد فترة طويلة وحارس العقار طلع للاستاذ يقوله العربية قافلة علي فلان وعايز يطلع يرد يقوله انزل قوله بلبس ونازل وطبعا الراجل عايز يطلع ومستني الاستاذ يلبس”.

وأشار الشاهد:”نزله بس بعد مدة ومن هنا حصلت مشادة بينهم وخناقة وخلاص لكن الاستاذ معجبهوش اسلوب الضابط ولا كلامه رغم ان هو اللي غلطان وقافل علي عربيته تاني يوم اللي هو النهاردة اتصل بأصحابه ومنهم القتيل ونزلو عند بيت الضابط بالشوم والحديد تكسير عربيته بس مش في الزجاج لا في الصاج، علشان الاضرار تبقي كبيرة واتهجمه عليه في بيته نزل بالسلاح ضرب 2 طلقة في الهواء لكي يبعدهم عن البيت بس هما كانو عايزين ياخدو منه السلاح، والراجل ماسكه جامد لو كانوا اخدوه منه كانو ضربوه امام بيته مراته وعياله بس هو كان ماسك السلاح جامد، وعلشان كده من كتر الشد طلعت طلقة وجت فى القتيل وانا اعاتب علي الاستاذ صديقه اللي قاله هات الرجاله وتعالي رغم أنه هو اللي غلطان، توضيح أنا معرفش الضابط لكن عارف وشوفت القصة بتاعة امبارح بليل خناقة الركنه وتاني يوم لحظة ضرب النار”.

شاهد عيان

هذا المقال "تفاصيل مشاجرة بين ضابط وجاره فى المقطم حول الركنة تنتهي بإطلاق النار (فيديو)" مقتبس بواسطة موقع بلد نيوز وقمنا بإقتباسة من موقع (القاهرة 24) ,ولا يعبر عن سياسة الموقع أو وجهة نظرة بأي شكل من الأشكال ,وأنما تقع المسئولية الخبر أو صحتة على مصدر الخبر الأصلى وهو القاهرة 24.

أخبار ذات صلة

0 تعليق