هيثم المكي لهذه الاسباب يخشون من قيس سعيّد

0 تعليق ارسل طباعة تبليغ
هيثم المكي لهذه الاسباب يخشون من قيس سعيّد

نشر بوساطة هيثم المكي في صحفيو صفاقس يوم 01 - 10 - 2019

303841
القضاء التونسي كل ما تقوى عليه الضغوطات الخارجية كل ما يزيد يصحح راسو. طبيعة، عقلية. اتذكروا قضية “البوسة” متاع قمرت : كان ما دخلش فيها سفير فرنسا و تسيست، راهم الأكثرية روحوا المتهمين الزوز.
في قضية القروي، فرنسا و الإتحاد الأوروبي هابطين بثقلهم، ناقص كان يخلعوا المرناقية و يهزوه لقرطاج على الاعناق. و هذا موش فقط خوفا على “تكافؤ الفرص”، بل أولا لأن شركاء القروي كيما طارق بن عمار و شركات الإتصال و العلاقات العامة اللي يتعامل معاها في فرنسا تخدم في خدمة كبيرة، مع البرلمانين الفرنسي و الأوروبي، و حتى مع مقربين من الرئيس ماكرون.
ثانيا لأنهم خايفين فعلا من قيس سعيد، موش على “النمط” و “مكاسب” الطبقات اللي محتكرة الامتيازات، خايفين على خاطر ما يعرفوهوش، ما حكاش معاهم، ما طمنهمش على مصالحهم. الخوف من المجهول و انعدام الرؤية.
هذاكة علاش قاعدين يهددوا بعدم الإعتراف بسلامة المسار الإنتخابي التونسي اذا تم الدور الثاني من الرئاسية و القروي في الحبس.
عمري ما كنت من المهووسين بمعاداة “الغرب” ولا المغرومين بالتفليم على “السيادة”، و عمري ما قلت اللي القضاء التونسي مستقل و نزيه الخ (معاذ الله)، أما يظهر لي هذا معطى ذاتي يلزم ناخذوه بعين الإعتبار، كان نحبو نفهمو اللي صاير.

.



هذا المقال "هيثم المكي لهذه الاسباب يخشون من قيس سعيّد" مقتبس بواسطة موقع بلد نيوز وقمنا بإقتباسة من موقع (تورس) ,ولا يعبر عن سياسة الموقع أو وجهة نظرة بأي شكل من الأشكال ,وأنما تقع المسئولية الخبر أو صحتة على مصدر الخبر الأصلى وهو تورس.

أخبار ذات صلة

0 تعليق