خلاف بين رنا سماحة وأيمن بهجت قمر بسبب «انتش واجري»: فتحوا علينا مستنقع كبير

وجهت الفنانة الشابة رنا سماحة عتابا إلى فريق «واما»، وذلك بعد  قيامهم بالرقص على أغنية «انتش وأجري»، وتم تداول الفيديو بصورة كبيرة على مواقع الاجتماعي.

تعليق رنا سماحة على فيديو واما بسبب انتش وأجري

ونشرت رنا سماحة عبر حسابها الرسمي على موقع التواصل الاجماعي «فيس بوك»، قائلة: «عندي عتاب على قدر المحبة للفريق العظيم، الي انا واحدة من الي اتربوا على فنهم وأغانيهم الي تجنن «واما»، واتمنى يتراجعوا عن الهزاراية لو اعتبرناها هزارايه الي نزلت امبارح، للأسف الهزارايه دي فتحت وهتفتح علينا باب مستنقع كبير.

فرقة واما

وتابعت: واهو كله دلوقتي الي قرر يوزع والي قرر ينتج ويتعامل مع القرف ده على أنه فن اتمنى مننساش أن الفنان قدوة وانتوا نجوم كبار وكل فرد فيكم، عنده تاريخ كبير يستاهل أنه يتخاف عليه، اتمنى تقبل كلامي بصدر رحب من محبه لفنكم

قبل ما أكون فنانة صغيره بحارب وسط كتير من محاربين العك.

وواصلت: انا حقيقي حزينه ومش مصدقه الي وصلناله وأننا خلاص بقينا في عصر الترند اياً كانت قباحته

مش هتكلم عن الإعلام الي ما شاءالله كله جري بسرعه كعادته ورا الترند التافه المسف، لأن مصداقيتكم وأهميتكم أصبحت باينه للجميع.

رنا سماحة

 

رد أيمن بهجت على فعل واما بشأن واما

 

ورد المؤلف أيمن بهجت قمر على الفنانة رنا سماحة من خلال التعلقات على المنشور الخاص بها حول فريق واما وفيديو «انتش وأجري»، قائلًا: «أيه المشكلة يا رنا ما فيه أغنية انتي أي كلام والسلامونيلا وكان في أبو الليف هزارعلى الأقل دول فرقة موسيقية وشباب بيهزر أيه الاهانة ما هنيدي غنى اموئ وفؤاد كماننا وطول عمر الدنيا كدا أفبهات وبتتحول لأغاني».

وتابع: «انا اللي سمعته من واما مافهوش اصوات وعادي أننا نلاقي افيه ناخده نقنن وننضفه ونقوله أحنا نعاتبهم لو هما اعادوا الصوت القبيح لكن جملة لذيذه وهزار وهما شباب مش ف الاخر مثلا لقينا هاني شاكر بيغنيها وحى هاني شاكر لو حب يهزر حقه مادام ماقالش كلمه قبيحه».

وأكد أيمن بهجت قمر، أنه فيش جيل بيحارب فيه فنان عنده جديد هيعجب الناس لو هيقدم شغل زي غيره مش هيعجب الناس بره فيه اغنيه بتنجح بصوت سئ بس الغنوه فيها حاجه جديده النجاح بقى صعب لإن المعروض كتير بس بقى سهل انك لو مقدمه فعلا حاجه جديده وجديده بجد.

أيمن بهجت قمر

رنا سماحة الترند يستخدم ألفاظ خارجة

لترد عليه الفنانة رنا سماحة قائلة: «بس دا يا استاذي مش افيه دي جملة قبيحة بيتداولها الشباب بينهم وبين بعض دا غير طبعا الصوت اللي بيصدره الاستاذ من مناخيره بدل الآله، لما فريق كبير زي وأما يقرر يعمل ترند زي ده، يبقى مش هلوم على الولد الي قرر يتشهر بإصدار الاصوات من انفه، لأنهم قالوله الله انت دمك خفيف وكلنا هنعمل زيك، في ظل أن في جيل كامل بيحاول يعمل فن بجد وبيحارب ومستسهلش الطريق وقرر يسف عشان يبقى موجود.

 

عمرو محمود ياسين عن تريند «انتش وأجري»: الحياة من غير هزار سواد

قد يهمك أيضاً :-

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *