روى الفنان أمير المصري، تفاصيل فقدان محفظته في إحدى السيارات التابعة لأوبر.
وقال المصري عبر حسابه على موقع التواصل الاجتماعي «فيس بوك» «حصل معايا موقف امبارح وهو إني نسيت محفظتي وموبايلي في أوبر، أول مرة يحصل معايا موقف زي ده، والمحفظة كان فيها كل حاجة بطاقة والفيز وفلوس وبطاقة إنجلترا كل إثبات شخصية ليّا».
أمير المصري وفقدان المحفظة
وتابع «حسيت إن كل حاجة ضاعت كده ومفيش حاجة هترجع، وماكنش قدامي غير إني أكلم السواق اللي كنت متأكد إنه هيقولي ماعرفش حاجة عنهم، فكلمته وقالي إن المحفظة معايا، وجالي لحد البيت يرجعهالي، وكنت ناسي أني ضيعت موبايلي التاني فأكد عليه اكتر من مرة إني مش ناسي حاجة تانية لحد ما افتكرت الموبايل».
وأضاف «عشان كده أنا حابب أشكره على أمانته وجدعنته، كان ممكن يقولي مالاقتش حاجة أو مايردش على الموبايل أصلا، لكنه ماعملش كده، وبجد شخصيات زي الراجل ده بتحسسنا ديمًا إن أصلنا جميل.. فلاقتني مش عارف أشكره ازاي غير بالبوست ده.. ف شكرًا كابتن أحمد حجاج».
أمير المصري يروي موقفا لأمانة سائق أعاد محفظته بعد فقدانها
أمير المصري يروى كواليس فيلم 1+1 وحقيقة ربطه بالحرب في أوكرانيا.
التعليقات